東網 20181103

跟藍潔瑛情同姊妹的曾華倩接受東網訪問時表示：「好突然！好可惜！我認識嘅佢，係好唔鍾意人哋講佢嘅嘢，所以我都唔想講關於佢嘅事，作為一種尊重，相信佢都想我咁做！」 華倩心情沉重，希望藍潔英往後可真正找到快樂！她說：「希望佢去到第二個世界，搵到佢嘅快樂同健康！（最後見面係幾時？）好多年，耐到唔記得喇…但間中都會通電話。（對方講咩？）講一啲我唔係好識聽嘅嘢。（會出席喪禮或幫手辦後事？）睇時間啦，睇有咩幫到，呢刻都唔知有咩可以做，太突然喇！」 而邱淑貞回覆說：「希望她可以榮登極樂、早証佛果！」

東方日報 2018-01-30 (二)

亞洲電視數碼媒體昨日正式啟播並舉行啟播典禮，近千嘉賓撐場非常熱鬧，眾星均有信心亞視會愈做愈好，內地女星范冰冰更拍片祝賀！會上宣布亞視APP在iOS免費APP排行榜登上第一位，網上各平台累積破700萬瀏覽次數，非常厲害！而hmv數碼中國集團老闆蕭定一透露正跟亞視傾合作，不排除讓旗下藝人張繼聰、張智霖及胡杏兒亮相亞視！

東方日報 2018年2月16日 (五)

藝人陳浩民前晚情人節作客由曾華倩和朱慧敏主持的亞視直播節目《今晚見》，更拖住老婆蔣麗莎和四個仔女亮相。留港度歲的陳浩民受訪時指月底與老婆到橫店開工，他說：「第一次同佢拍戲，我做玉帝，佢做王母娘娘。（點打動到你哋合作？）當然係高薪啦……講笑啫！其實係幫朋友手，客串幾日。」談到他們湊住四個仔女做節目，事前可有擔心？陳浩民笑說：「唔擔心，我將佢哋交晒畀亞視。（首次一家六口上節目？）香港就第一次，咁啱表姐（曾華倩）問我上唔上佢節目，我就話我老婆OK我就OK。」另外，曾華倩見到陳浩民二仔Cyrus勁得意，打算抱抱他，豈料Cyrus變身樹熊攬實媽媽，令曾華倩食檸檬，她說：「哎呀，依家啲小鮮肉真係好麻煩！」非常搞笑。

東方日報 2018-06-01 (五)

張達明前晚為曾華倩與朱慧敏主持的亞視節目《今晚見》擔任嘉賓，提到節目以OTT形式播放，他表示早於1998年已搞網上直播，笑言自己是始祖。問到可會想再做網上直播？他說：「梗係想試吓，搞唔同嘅嘢。」身旁的華倩笑說：「你搞我得唔得？」隨後解釋是希望一齊合作。提到好友黃子華將舉行最後一次棟篤笑，達明說：「我梗係唔贊成啦！（你自己有冇飛？）我梗係有，原本我好難得攞到尾場門票送畀朋友，點知佢加場，咁我就唔係尾場，搞到我嬲。」他直言希望再與子華合作。

東方日報 2018年10月22日 (一)

亞洲電視A1台銳意改革，炮製多個全新綜藝自家製節目，曾華倩、莊端兒、樂瞳，分別主持《親子基因》、《隱世廚神》及《ATV學院－網購系》，三位主持、三種風格，將貼地資訊娛樂每晚為觀眾放送！

【蘋果日報】

黎燕珊（左）前晚在鰂魚涌出席推動保育瀕臨絕種生物晚宴，同場還有胡楓、保育運動發起人郭秀雲等。黎燕珊透露近日忙於跟苗僑偉（三哥）拍劇：「撞番三哥有好多回憶，記得曾經同三哥、曾華倩去大西洋城登台，嗰陣藍潔瑛陪曾華倩同行，坐飛機仲喺機尾玩鋤大D。」 黎燕珊又提到在英國留學的囝囝下月返港，原本想賺點學費的股票現仍是蟹貨，綁着六位數資金，幸好接廣告及洽談登台可以幫補。

【蘋果日報】

亞視去年12月宣佈復活大計的記者會上，大老闆鄧俊杰宣佈首年投資4億，而開台初時亞視的確揼本，包括重金邀無綫前總經理陳志雲主持《百萬富翁》，及以超過2,000萬港元購入范冰冰主演的《巴清傳》。 但亞視開台數個月便傳縮皮，前晚志雲主持的90集《百萬富翁》已經全部播完，據悉朱慧珊、朱慧敏、曾華倩和樂瞳等主持的直播節目《今晚見》，播至下月中便播映完畢，亞視目前正籌備新節目，包括旅遊和時事節目等，並會復辦亞洲小姐選舉，但據悉因閂水喉關係，未必有大卡士加盟主持節目。

【蘋果日報】 2018-04-06 採訪、攝影：盧妹

蘇志威前晚任亞視《今晚見》嘉賓，他跟曾華倩相識三十載，一見面便話當年，他對曾華倩說：「當時我、你、劉嘉玲、藍潔瑛成日一齊玩通頂，諗到乜就玩乜，玩啤牌、七級豬，輸咗畫到成塊面都係，之後落去七仔買嘢。」更指他們由廣播道玩到壽山村，再玩到成和道泳池。 蘇志威講到做馬主，又講西裝生意，問他兩名女兒會否接手生意？他說：「冇諗過！我啲囡囡唔啱做生意，又唔啱入娛樂圈，佢哋有自己嘅路，好多人都知大女鍾意煮嘢食。」至於細女，他說：「佢好貪靚，想做designer，所以有時出街都會問佢襯乜，佢都會批評我，童言無忌，最緊要大家有傾有講。」

【蘋果日報】2018年03月02日

當年無綫「五虎」湯鎮業同「九龍女」曾華倩前晚喺大埔亞視碰頭，阿湯接受華倩主持嘅節目《今晚見》訪問，仲取笑曾經同梁朝偉拍拖嘅華倩：「因為華倩搵唔到梁朝偉、劉德華先搵我嚟。」華倩大發嬌嗔否認，仲爆阿湯花名「女人湯圓」還擊。 阿湯演慣爺爺 轉戰內地市場多年嘅阿湯，就慨嘆自己59歲要做爺爺角色：「依家內地做演員，可能3、40歲叫你做爹哋，6、70歲叫你做老爺，所以自己喺內地好多角色都做老爺。」52歲嘅華倩即刻有感而發：「之前內地有角色叫我做媽咪，做媽咪冇問題，但製作單位話個仔係陳偉霆，自己諗吓覺得有啲接受唔到，因為陳偉霆只係二仔，仲有個大仔喎！」 現實中華倩嘅兒子只得19歲，佢真係接受唔到做32歲陳偉霆嘅媽咪：「製作單位同我傾錢，我話唔好講錢住，自己真係唔好意思，因為諗到個畫面，說服唔到自己！」

東方日報 2018-02-23 (五)

薛凱琪暈住做直播 唔敢甩曾華倩底

藝人薛凱琪（Fiona）前晚為亞視直播節目《今晚見》擔任嘉賓，原本因病取消出席的她，因知道是直播節目，擔心製作單位臨時未能找到嘉賓頂上，故仍堅持出席。她步入錄影廠時需要助手攙扶，戴住口罩的她步伐緩慢，表示已經病了好幾天：「朝早係最嚴重，原本我朝早要錄王梓軒嘅網上節目，但我真係離唔開個廁所，又嘔又屙，全身發冷，依家都覺得好暈！」Fiona透露看醫生後睡了四個多小時就到亞視做直播節目，表示醫生懷疑她染上流感，幸而檢驗後證實是普通感冒。她又指今次是主持人曾華倩親自致電邀請她上節目，故一定要出席。