# 20040625華倩低胸花裙響頭炮_李克勤建議明星足球隊踢人入會做運動


> 2004-06-25

曾華倩同李力持今個月二十八號開始會響香港電台主持節目《你真超人》，佢兩個尋日都好花心思打扮出席記者會，曾華倩仲著左一件低胸花裙，相當養眼，近年佢都好少咁性感，睇唻真係好重視呢個節目喎。昨日兩人在記者會上也一唱一和，當Yumiko表示要當健康藝人，一要形象好、工作態度足、最好少緋聞，曾華倩就笑說﹕「你出道也只是傳過做『乜嫂』而已。」

另外，記者會上鄭希怡送上糖水同湯水畀曾華倩同李力持兩位主持人潤喉，而李克勤重頒贈兩張主持人智能身份證畀佢地添。

##### 李克勤建議明星足球隊踢人入會做運動 撐梁詠琪沒有抄歌

　　2004-06-25

港台於下周一晚上11時半開始推出的新節目《你真超人》，將舉辦「健康藝人選舉」，昨日更舉行記者會公布情况。主持人李力持說，他們今次選舉健康藝人，最主要是鼓勵大眾積極面對壓力，建立正確的人生，作為選健康藝人的首要條件。

李克勤昨日出席《你真超人》記者會時透露，11歲時母親給他嘗試抽第一支香煙，感覺非常不好受，自此他對香煙便十分抗拒。記者會上，克勤被要求講述如何是健康藝人，克勤即說：「今日好敏感，要身心健康，好似左倫（譚詠麟）咁。」問到會否覺得現今的歌手不自律？克勤說：「我地或者叫明星足球隊踢人入會，叫年輕人做運動。」

梁詠琪全新大碟《SmartID》日前推出，當中收錄的《吻別的位置》是梁詠琪（GiGi）為克勤所作的，近日有網民指GiGi有抄襲劉德華年前國語歌《還記得我嗎》的嫌疑。身為當事人的克勤親身細聽兩首歌，發覺只有五粒音相通，覺得事件是唱片公司為宣傳而設出來的屎橋。克勤覺得撞音是經常發生的，而華仔對他說不介意，克勤說：「我地三個單位係好朋友，點會互相抄襲？真係好笑！我認為似係環球屎橋，佢地度完一次橋之後，通常唔會再話我知。（問唔問公司？）唔會，佢一定話唔係，由陳少寶年代到依家都係咁。如果GiGi抄歌，點會成兩個月先作好一首歌咁慢。」克勤笑言，提議於華仔演唱會合唱這兩首歌。

![李力持與曾華倩盛裝出席《你真超人》記者會](https://file.qianying.zone/20230719154756.png "李力持與曾華倩盛裝出席《你真超人》記者會")

![margie](https://file.qianying.zone/20230719154806.png)