20000418上女人com陳寶蓮提蔡楓華即走人_曾華倩 偉仔獲獎實至名歸

上女人ＣＯＭ陳寶蓮提蔡楓華即走人

　　2000－04－18

昨日黃昏時分，陳寶蓮到達亞視，準備接受曾華倩主持《女人。ＣＯＭ》訪問。當Pauline（陳之洋名）坐的士抵達亞視時，記者趁機欲做訪問，但見她神情有異，心情似乎略有不佳，但瞬即又對住記者微笑，神態似乎有點異常。隨後Pauline進行錄影，果然有事發生了。訪問未完結，陳寶蓮突然中斷錄影離去。

對此情況，主持曾華倩表示﹕「好無奈囉…佢話自己唔舒服，所以要走先，當時佢都好清醒，仲問我係咪錄影﹖話下次再約過！」曾華倩感無奈華倩更謂﹕「我一開始就已經問佢有乜唔問得﹖佢話『問囉』﹗所以我咪問。我都無諗過佢會突然之間走去，可能佢心情唔好啦……佢係咪正常？我覺得佢係……靚女，Keep得好好﹐希望佢身體健康啦！」

究竟華倩問了Pauline甚麼火爆問題，導致她要突然離去呢？華倩表示﹕「其實初頭我讚佢靚女，佢又讚番我靚，就咁笑一兩聲，之後再傾偈，佢突然變得好Serions啦……我只係問佢，蔡楓華係咪追你？佢就停好耐咁話﹕『你自己問佢囉！』跟住就走！」

華倩又說﹕「我都係第一次同佢傾偈咋，所以唔知佢為人，記者朋友仲清楚過我啦！點都好，希望佢身體健康！」

問及華倩及監製Fred會否再邀寶蓮來訪問？他們均表示有機會都會再約過。

曾華倩：偉仔獲獎實至名歸

　　2000－04－18

近日蔡少芬代母還債的事件，成為各大報章的頭條，就連亞視的《女人。come》亦以此作為話題。身為《女》的主持人曾華倩，表示在明天播出的節目，會以蔡少芬代母還債的事為題，即場以塔羅牌、占卜和星座等方式，試圖去推測蔡少芬與其母親的關係會否和好。對此，華倩稱用意只是一種推測，並不是導人迷信。在節目當中亦可能會順應記者的要求，預測蔡少芬與吳奇隆未來的感情發展。而華倩亦坦言很同情Ada（蔡之洋名），希望外界不要再給予她壓力。

梁朝偉首次在康城影展獲獎，身為偉仔（梁之暱稱）前度女友的華倩，直言偉仔得獎是實至名歸的，身為朋友都戥他開心，但不會主動致電向偉仔道賀，她稱現時大家已很少聯絡。若他返港後舉行慶祝會，叫到時就實會去的。