# 19990104曾華倩為兒就範接受產後訪問_食完粥又要叉燒包


##### 曾華倩為兒就範接受產後訪問

1999年1月4日

剛做媽咪只係四日曾華倩，為免記者在產房門外終日守候，令她出入探望BB都受到阻礙，華倩愛子心切，只好「就範」，昨日化個靚妝，正式與老公雙雙出來見記者，經一輪訪問，華倩已心急走去隔籬座見BB，頻撲個多小時後，華倩終於要用輪椅代步返回病房休息。

###### 何Ｂ仔特別大？

因為BB未改名，華倩暫用「靚仔」這個暱稱來叫兒子，問華倩BB係咪契君如？華倩謂：「我自己篤信觀音，所以準備將BB過契俾觀音，相信君如唔會詐型……（聽講BB『何B仔』好大喎？）……呢咁尷尬又私人問題……點答呀，哈哈……係比平常大啦，講笑！（BB似邊個？）似老竇多，唉……應該係我混合體！」記者轉頭問華倩老公點報答老婆為他咁辛苦生個仔？他說：「要乜都俾啦！」華倩搭嘴話：「咁問佢會話遲送番個女俾我（咁你想唔想湊個『好』字？）唔……遲先啦！」

華倩陣痛十多小時誕下麟兒，嗌到聲都變埋，華倩老公感動到想喊，華倩又話到虛脫，見到BB第一個反應：「點解咁大隻！」華倩又極力推介一種新科技，俗稱「寶寶盒」，她表示：「當生完BB，抽出臍帶血保存在『寶寶盒』內，如果BB或親人有事，可以有個保障，不過TouchWood先！」

##### 曾華倩食完粥又要叉燒包

1999年1月4日

曾華倩大哥曾華廣是瑪麗醫院心肺科醫生，昨日頻頻出入華倩病房，他否認華倩有事，只是買食物給華倩而已，他指華倩產後精神好、胃口好，除了醫院正餐外，又要食粥及幾個叉燒包，至於BB雖然羊水入肺，要放在氧氣箱，但情況好好，華倩大哥見記者日夜守候在病房外，忍唔住話：「我做醫生都無咁辛苦，你去食飯啦，唔好再等啦。」

![margie](https://file.qianying.zone/20230716001734.png)
![margie](https://file.qianying.zone/20230716002012.png)