# 20210709串椒3姊妹繽FUN星網福祿壽合體登場曾華倩要求扮梁朝偉嚇窒祖藍

> 東方日報 2021年7月9日(五)

由梅小惠、江欣燕及曾華倩主持的《串椒3姊妹》載譽歸來登陸繽FUN星網，身兼監製的梅小惠更碌盡人情卡，請來好友阮兆祥與久未同框的好兄弟王祖藍及李思捷「合體」，為節目罕有獻出重組「福祿壽」，三子即施展渾身解數重演經典角色，其中扮梁朝偉扮得入型入格的祖藍，更被對方舊愛曾華倩親自要求即席演繹，令經驗老到的他都被考起，直呼尷尬！

「福祿壽」難得重聚，除舉杯暢飲，當然少不免細數扮嘢史，其中數到最難堪的角色，祖藍竟然最怕扮靚仔：「我點扮靚仔呀？我扮鄭伊健好尷尬！」李思捷卻讚他扮梁朝偉神似，而身為梁朝偉舊愛的曾華倩即興奮表示：「你扮一次梁朝偉畀我睇吓！」立即引起大家嘩然，梅小惠直問：「你仲記得咩？」曾華倩立即搶答：「初戀梗係記得啦！」即時嚇得祖藍耍手擰頭：「喺佢面前更加唔敢扮。」在旁的梅小惠就幫口護航：「我都話佢仲未放得低㗎啦！你已經為難咗梁朝偉好多年，唔好再為難扮梁朝偉嘅人啦！」

###### 李思捷有料爆

數到經典角色，李思捷表示想不到原來自己能扮演鄭少秋，又大爆對方說話經常有停頓位，全因在想話題。而祖藍則表示最滿意「慳啲啦Baby」一角，笑指全靠無綫服裝間幫忙「推波助瀾」夾出事業線，梅小惠亦表示：「每次大Show嗰幾個阿姐一定喺度，可以將你由冇變有！」

談及近況，升為高層的祖藍謙虛表示：「打工仔啫！」而重返無綫的阮兆祥就大讚：「呢陣子我哋有副總經理、創意官返嚟之後，你會感覺到成間公司有生氣。」而下集接棒「福祿壽」做嘉賓的，就有近年演暖男Oppa深入民心的周柏豪，想知他如何冧爆3位「50+姐姐」，就要留意7月16日於繽FUN星網播出的《串椒3姊妹》！

###### 眾望所歸做經理人 梅小惠詐型：點解成日要我做嘢？

來到「姊妹3揀1」環節，三子要從主持中分別挑選「經理人」、「經手人」及「經過的人」，他們一致認同梅小惠擔任「經理人」，梅小惠即詐型：「點解成日要我做嘢？畀我舒服啲得唔得？」李思捷就賣口乖：「因為你一向照顧得啲嘢好細緻。」而講到揀曾華倩做「經過的人」，李思捷就發功搞爛Gag：「華倩係好媽媽，『經過』即係月經過咗，因為做得我哋媽媽，月經一定過咗。」

至於數到「經手人」，王祖藍笑言：「我淨係諗到啲『媽媽聲』嘅話題，經手人係咪即係代表緊搵代母呢？」又問江欣燕：「你有冇興趣享受吓懷孕嘅過程？」令江欣燕立即落閘：「冇呀！」相當無厘頭。

{{< galleryim >}}

<galleryim>
  <img src="https://file.qianying.zone/230819-7b99d8.png" alt="Margie">
  <img src="https://file.qianying.zone/230818-0073c8.png" alt="Margie">
  <img src="https://file.qianying.zone/230818-5d061d.png" alt="Margie">
  <img src="https://file.qianying.zone/230818-4709ee.png" alt="Margie">
  <img src="https://file.qianying.zone/230818-2c4ad4.png" alt="Margie">
  <img src="https://file.qianying.zone/230819-d28084.png" alt="Margie">
  <img src="https://file.qianying.zone/230819-70f55d.png" alt="Margie">
  <img src="https://file.qianying.zone/230819-b661e8.png" alt="Margie">
  <img src="https://file.qianying.zone/230819-f1d886.png" alt="Margie">
  <img src="https://file.qianying.zone/230820-a4bb28.png" alt="Margie">
  <img src="https://file.qianying.zone/230820-7a06b5.png" alt="Margie">
  <img src="https://file.qianying.zone/230820-1bd4d9.png" alt="Margie">
</galleryim>