20210806串椒3姊妹繽FUN星網港姐殺手變住家男甘被情人食住錢嘉樂男人係咁賤格

東方日報 2021年8月06日(五)

由昔日緋聞無數，搖身一變成為「愛妻號」的藝人錢嘉樂，甫亮相繽FUN星網節目《串椒3姊妹》，即被3位主持梅小惠、江欣燕及曾華倩「公審」，力數他有「港姐殺手」之稱，「殺女」無數！他笑言現時終被「前世情人」治到，遭2個囡囡嫌棄反而更肉緊，高呼：「原來男人真係咁賤格！」期間大女Alyssa突然入鏡獻吻，他即冧爆說：「對住佢真係冇晒辦法！」

入行逾40年的錢嘉樂武指出身，一直默默耕耘，現時更是3屆「香港動作特技演員公會」會長。他透露早在出道初期，眼見哥哥錢小豪訓練班未畢業即被睇中做男主角，已心知自己並非「靠樣搵食」，他當時對自己說：「錢嘉樂，你都係要努力啲做嘢㗎喇！靠樣嘅係哥哥！」梅小惠即暗寸：「估唔到你唔靠樣都搵到食！」又指他相當「識食」，前度包括李珊珊、李麗珍及關秀媚等，位位都是女神級，錢嘉樂即趁機澄清：「成個圈對我誤解好深，我都係一個接一個啫！唔會漁翁撒網，同埋我唔係專揀（港姐）冠軍，真係隨緣，唔係話『嗰個冠軍一定要追佢』，呢啲心態唔要得！」

梅小惠解畫指他現時最愛老婆湯盈盈及2個「前世情人」，又指他由浪子變成住家男。他直認做爸爸後修心養性：「以前真係鍾意蒲，願望係飲幾多支酒唔嘔，依家唔會喇！會諗咗屋企先，希望對多佢哋幾年。」

自嘲在家冇地位

除減少飲酒外，經常拍打戲的他亦相當注重受傷後的康復及保養，以保持強健體魄陪伴家人。談及2個寶貝女，他笑指被女兒嫌棄反而更上心：「呢啲咪拍拖嘅感覺囉！」又笑指一屋女人，連寵物雀都是雌性，自嘲「冇地位」！

下一集有天王巨星、有「樂壇校長」之稱的譚詠麟駕到，記住留意8月13日於繽FUN星網播出的《串椒3姊妹》喇！

經典環節「姊妹3揀1」，今集3姊妹化身「三陪女郎」，分別為「陪月」、「陪坐」及「陪返工」，錢嘉樂指曾華倩是陪月的不二之選，梅小惠笑說：「佢冇（奶水）㗎喎！」錢嘉樂即護航：「又唔係揀奶媽！陪月之嘛！因為佢有經驗，同埋睇到佢嘅責任心。佢個仔幾高，餵少餐都冇咁高啦！」

他又讚江欣燕健談可以「陪坐」，因為她講嘢好好笑，一定好開心；而小惠則最啱「陪返工」：「你做嘢係掂嘅！」怎料小惠詐型：「做咩成日叫我做嘢啫？我可唔可以唔陪呀！你啲工作咁頻密。」他笑說：「唔使陪，你直情做埋我嗰份。」

而下一集就有天王巨星、有「樂壇校長」之稱的譚詠麟駕到，記住留意8月13日於《繽FUN星網》播出的《串椒3姊妹》！

跟錢嘉樂同年同月同日出世 曾華倩慶祝56歲生日：年齡數字我真不怕

星島網 2021-08-07

生日快樂，昨日是曾華倩（6日）的56歲生日，她在微博分享食蛋糕和壽包的開心相，留言：「Happy Birthday to me 華倩妹….56歲了! 哈哈…..年齡只是數字，我真不怕它呢！重要的是活得開心，做個開心發放正能量的人。愛自己，愛家人和朋友世界充滿愛，一切東西也打敗不了它 (Love) ~ 祝願大家身體健康，世界疫情受控，我們生活重回昔日時的香港，不分你我，開心快樂，重回繁榮昌盛的時候 ! 多開心啊！」

華倩是凍齡靚媽，怎樣看也不似56歲，她還分享了一個小秘密，原來她跟錢嘉樂是同年同月同日出世，即1965年8月6日。她直言大家很有緣份，上載合照並寫道：「不說你們當然不知道，我和錢嘉樂是在圈中，是同年同月同日出生的一對活寶貝，真是太有缘份了。外間常說他多女，好像玩世不恭的樣子，我要同他平反，他是一位感情完結後，再有第二段感情的人，絕不花心和專一及愛家庭。絕對是個好男人又有幽默感和正義感。哈哈….其實重點讚他也，同時也說我呢！我們有很有共通點。~有缘人」

而華倩的22歲的兒子林浩賢（Martin）亦有於IG post兩母子的合照，並以英文留言為媽咪送上生日祝福：「I love you。」又上載一張媽咪年輕時的舊照，大讚她靚女，氹得媽咪好開心。Martin身高1.9米，是香港游泳代表隊成員，更被冠以「喇沙飛魚」的稱號，不少網民除讚二人母子情深外，還讚Martin愈大愈有型靚仔。