# 20031130大球場二萬人嗌阿旺好震撼郭晉安威完一次接受平淡

> 蘋果日報 2003/11/30

![Margie](https://file.qianying.zone/230821-0c8076.webp)

從前的郭晉安，冒起、沉寂、飄泊，拍過不少執人水尾的電影，又試過與羅嘉良分一碟叉燒飯，飽歷十七年起跌浮沉，直到演「阿旺」才令郭晉安揚威，但在劇集播完後，安仔終歸要回到現實，面對平淡的生活。

###### 事業篇：「一個劇令我大翻身」

郭晉安加入無綫十七年，在入行第三年憑演出劇集《嬴單傳奇》成名，同年在無綫台慶中，被冠以「翻版張國榮」的他，獲安排站在前排中間位，站在張國榮身邊。自此以後，安仔在台慶中未有好位排過，但今年台慶，他不但企靚位，還勢如破竹地捧走三個大獎，他開心得哭完又哭，剎那間百般滋味在心頭。

###### 流落東南亞

安仔在多年前一度全身投入影圈，但拍的大多是水尾電影，例如《開心鬼5之上錯身》、《黃飛鴻之五──龍城殲霸》及《天若有情Ⅱ之天長地久》，安仔說這些電影都是大製作，他也用心演繹，但時不我與，總是紅不起來。

安仔說：「唔知點解，我係有機會，硬係運就畀唔到你，嗰時我拍人哋啲水尾電影，套套都好搏命，拍《開心鬼》重係同科拉桑（菲律賓前總統）個女，好大卡士㗎。啲人重話我至少都有菲律賓市場㖭。」

投身影圈兩年沒有起色，又再停了兩年沒工作，安仔最終重返娘家無綫，而中間他在東南亞跑了一圈，不斷拍劇。他說：「我去咗台灣、星馬同內地好多地方開工，但始終唔及無綫一個劇可以令我大翻身，冇諗過一套二十集嘅《戇夫成龍》，阿旺可以有咁大威力，一年就爆到盡，走勻咁多地方，都係香港好。」

劇集播出後，有很多人跟安仔表示，《戇》劇在年頭推出，牌面上很蝕底，所以初時他對獎項看得很淡，安仔說：「一年入面會有好多有實力嘅對手出現，但過咗一個劇冇乜嘢喎，再過一個劇又冇乜嘢喎，直至秋官（鄭少秋）套《非常外父》，佢有好大殺傷力，我覺得最大嘅對手係秋官，佢幾時出嚟都有一班擁躉。」

###### 夢想揸鑊鏟

首奪男主角大獎的滋味是否令安仔很刺激？他笑道：「都唔夠阿旺出街時犀利，由第一個星期宣傳到第四個禮拜，人氣係好似坐火箭上咗太空，拍得住楊利偉呀。我好記得有次去大球場行百萬行，我代表無綫行出嚟，喺大球場成二萬人嗌阿旺，好震撼，究竟係咪真㗎？後尾我就慢慢接受現實，到劇集完咗之後，我又開始面對平淡嘅生活。

「呢年我做嘅嘢，等如過去做兩、三年，好充實，又拍劇、又登台剪綵、接咗個廣告，如果年年係咁我就好滿足咯。」

安仔有一個夢想，就是開設高級私房菜，他愛吃，而他是中山人，對家鄉小菜尤其喜愛，他說起來就一副食指大動的模樣：「禾蟲、魚腸蒸蛋、蝦子麵、茶果都好味，我想用高級嘅包裝去做冇味精嘅住家菜，都係一種文化嚟㗎。」