# 20210820串椒3姊妹繽FUN星網神級愛妻號返屋企最好任達華物業遍全球曾華倩對親家

> 東方日報 2021年8月20日(五)

![Margie](https://file.qianying.zone/230820-4c7c8d.png)

影帝任達華是圈中數一數二的「愛妻號」，他亮相繽FUN星網節目《串椒3姊妹》，大談婚姻保鮮大法，自爆為名模太太琦琦設有專屬手機，方便24小時On Call，更坦言太太是其夢中情人，早在雜誌上看見她的靚相已一見鍾情！

由梅小惠、曾華倩、江欣燕主持的《串椒3姊妹》臨近尾聲，壓軸嘉賓請來分量十足的影帝任達華。今年入行50周年的他，被眾女大讚敬業樂業，他坦言其實每日都是樽頸位，因每日都有新挑戰，要努力做好角色，不斷突破自己，並慶幸遇上不少好導演及監製，包括林嶺東、譚家明、許鞍華及李添勝等，才成就今天的他。

談到他密密搵銀，在全世界均有物業，華倩即笑言要與育有女兒任晴佳的他「對親家」！任達華認為錢財只是身外物：「物質唔重要，最緊要買自己，即係令自己做得更好，當有呢個心，颱風又行到落去，落雨又行到落去，自己條路永遠把握喺自己手。」

手機維繫24年婚姻

小惠讚他投資眼光獨到外，揀老婆亦有一手，他即自豪表示太太琦琦是其夢中情人：「我嗰陣睇到一本周刊嘅封面，有個女仔側住身、戴住帽、着住白恤衫，我就諗如果夢想成真，有佢做到女朋友、太太就好喇！」結婚24年依然恩愛，他笑言全靠科技幫助，令兩公婆即使分隔異地亦無損感情：「我有2個手機，一個一定係佢嘅，平時24小時開住，一睇到就可以視像。」

江欣燕即爆料，指他拍戲最多2星期必定要回家見家人，他冧爆說：「我覺得返屋企係最好。」下星期最後一集，3姊妹將盡訴心中情，記住留意8月27日在繽FUN星網播出的《串椒3姊妹》喇！

經典環節「姊妹3揀1」，任達華要分配3姊妹做「助手」、「管家」與「秘書」角色，他屬意江欣燕做助手，令眾人大跌眼鏡，連江欣燕亦笑說：「佢唔知我啲烏龍嘢！」貼心的任達華即「護花」說：「烏龍助手有烏龍助手嘅可愛，因為我樣樣都要執手尾，咁我對件事就更加了解，等我下次知道要提一提佢。」小惠取笑：「咦！咁你咪變咗欣欣嘅助手囉！」

至於梅小惠則適合做管家，任達華大讚：「真係冇人夠佢嚟，佢乜都識，轉數又快，安排晒啲嘢。」而秘書則揀曾華倩，因華倩會照顧他的全部，無論飲食與護膚都很講究。小惠笑指秘書要「坐大髀」，華倩即坐在任達華大腿上，令他大叫「Oh My God」，全場爆笑！

下星期最後一集，3姊妹將盡訴心中情，記住留意8月27日於繽FUN星網播出的《串椒3姊妹》。

{{< galleryim >}}

<galleryim>
  <img src="https://file.qianying.zone/230818-273ae8.png" alt="Margie">
  <img src="https://file.qianying.zone/230818-edca8e.png" alt="Margie">
  <img src="https://file.qianying.zone/230818-21f622.png" alt="Margie">
  <img src="https://file.qianying.zone/230820-d35a7f.png" alt="Margie">
  <img src="https://file.qianying.zone/230820-886a5b.png" alt="Margie">
  <img src="https://file.qianying.zone/230820-1dffbc.png" alt="Margie">
  <img src="https://file.qianying.zone/230820-f2b2ac.png" alt="Margie">
</galleryim>