20210723串椒3姊妹繽FUN星網揭秘視華倩係女神張智霖最嬲靚靚曲線放閃

東方日報 2021年7月23日(五)

由梅小惠、江欣燕及曾華倩主持的繽FUN星網節目《串椒3姊妹》一直「閱男無數」，今次請來「絕世好男人」張智霖，向來堪稱「牌品好」零脾氣的他，自爆只對老婆袁詠儀一人動氣，但無論對方如何無理取鬧也絕不回罵，又坦言希望兩公婆彼此都不要改變對方，做回原本的自己便最完美，表面抱怨實則花式放閃！

「3姊妹」相隔17年能再聚首相當有緣，原來張智霖（Chilam）跟她們也甚有淵源，皆因其表姐上山詩鈉是她們的多年好友。Chilam亦大爆早在兒時已非常欣賞曾華倩：「我嗰陣覺得你靚到『Dum』一聲！」氹得華倩心花怒放。他又即席與同為人父母的華倩大談湊仔經，指與兒子張慕童關係似朋友，不避忌暢談感情問題：「我叫佢盡量試多啲先，要試多啲先識得點對人好，當然要做安全措施，要做個Gentlemen。」

自認老婆收藏品

講到他與老婆袁詠儀（靚靚）的感情，走在一起接近30年依然恩愛，梅小惠即大爆有次Chilam出埠登台，她跟靚靚去唱K，靚靚一見Chilam出現在電視上，即旁若無人攬實螢光幕表現陶醉，Chilam就笑指：「佢早期先係咁！（靚靚係咪好仰慕你？）又唔係嘅，佢覺得我好似佢啲手袋咁，係佢嘅Collection（收藏品）之一！」

只想做番自己

提到被靚靚大讚零脾氣，他就自爆其實私底下每日都與老婆有衝突：「我都會嬲㗎，不過全世界嘅人都唔嬲，淨係嬲佢。有時都會覺得有啲無理取鬧，但我又唔會鬧佢嘅。」問到最想改變老婆的地方，他即說出重點：「改變佢想改變我嘅諗法。」亦隨即補充指相當滿意本來的靚靚：「即係唔好改變我，我又唔想改變你，Just the way you are（做回自己）就最好。」

下一集有曾與華倩合作玄學節目的堪輿學家蘇民峰大駕光臨，想知他如何為3姊妹指點迷津？留意7月30日於繽FUN星網播出的《串椒3姊妹》。

姊妹3揀1，張智霖首選梅小惠陪伴老婆靚靚，全因小惠十足開籠雀，定必與靚靚聊個不停。至於講到陪阿仔，他就選擇曾華倩，因對方育兒有道，兼大讚其囝囝高大有型，華倩亦直認：「我有晒經驗點做。」而江欣燕則負責陪他自己，他指：「佢好有幽默感，我自己又好鍾意講笑，我哋係可以講到好多笑。」又笑指江欣燕夠百變，可隨時變成祥嫂、Maria等人物逗他開心，絕對是個萬能的知己。