20210827串椒3姊妹繽FUN星網直擊生仔全過程梅小惠曾華倩江欣燕約定17年後再會

東方日報 2021年8月27日(五)

梅小惠、曾華倩及江欣燕相隔17年重組的繽FUN星網節目《串椒3姊妹》終告尾聲，最後一集3女再次聚首暢談心中情。身兼監製的小惠坦言受寵若驚，沒想過居然能請得如此強大的巨星陣容坐鎮，華倩亦感慨當年簡單一句「期待下次再見」竟能成真，希望「3姊妹」下一個17年可以與大家再見！

一連10集的《串椒3姊妹》來到尾聲，3女回想由年初「埋班」，到逐步親自構思主題、嘉賓，直至節目終於面世並大獲好評，笑指似足「生仔」一樣相當感動。梅小惠坦言為此碌盡人情卡：「今時今日原來梅小惠嘅地位係可以碌到咁多星㗎！」

講到夢幻組合重組，江欣燕自爆曾感「難堪」，全因身材經常被好姊妹取笑：「你哋猛咁話我（胸墊）厚！」曾華倩即爆料：「個胸太大啦！離晒罩！佢個胸推到上去鎖骨！」江欣燕笑指現在沒用胸墊，所以欠缺安全感：「我冇咗個Cover，少少冷氣都凍。」

笑到虎紋現形

數到今輯嘉賓，梅小惠大讚任達華最專業：「約佢12點訪問，佢10點9就到咗，自己有晒化妝、梳頭，唔想阻到我哋準備。佢仲話除咗1個鐘化妝之外，專登早3個字嚟同我哋打招呼，所以佢喺電影界咁多人尊敬、尊重，真係值得㗎！」江欣燕則最難忘男神周柏豪，因為當日3姊妹着上其服裝品牌Tee送上驚喜，他即禮尚往來急急安排禮物，非常有心。曾華倩感激「表哥」譚詠麟撐場，又大爆有年獲帶挈踩上紅館做嘉賓，多謝對方「去到邊都咁支持」。

她們笑指今輯笑料百出，更因笑到現虎紋慘遭化妝師嫌棄，要立即出動保養品急救，直言：「『50+』嘅女人更加要識得錫自己！」

經典環節「姊妹3揀1」，3姊妹相隔17年重答當年的選擇題，在今輯的嘉賓陣容中挑選7日情、偷窺5小時及做按摩師傅的對象。

梅小惠恨與譚詠麟談7日情，因對方節目多多又唱得，絕對不怕悶。她想偷窺蘇民峰，偷師其風水學問賺外快，按摩師則想找福祿壽「六手聯按」。曾華倩選擇張智霖做7日情對象，大讚他夠紳士、幽默兼靚仔，又希望偷窺「暖男Oppa」周柏豪，加深了解。江欣燕則笑言想與任達華展開7日情：「我有信心7日內，佢已經會將啲屋寫畀我！」偷窺對象她則鎖定「福祿壽」，因為每人可以望足5小時，夠晒抵玩。

至於按摩師傅，江欣燕與曾華倩同樣睇中錢嘉樂，全因對方武指出身，由細打到大「久病成醫」，相信絕對可以按得到位，又可幫忙醫治舊患。