20141121曾華倩搵仔睇車

忽然1周 - 1008 2014年11月21日 星期五

如果要揀「美魔女」，媽咪姐一定揀曾華倩。已經 49歲嘅佢，淨睇樣點會估到有個 15歲嘅仔先？

媽咪姐早前去九龍城買餸，見到有個身形高大嘅靚仔坐喺華倩架車等佢喎。嘩！唔通係第二個馬國明？睇清楚啲，係佢囝囝 Martin（林浩賢）至真。呢日華倩去完街市買魚買肉，跟住去平價餅店買咗盒撻。已經拎住幾袋嘢嘅佢，喺餅店門口聽完個電話，忽然行番轉頭去「新三陽」買大閘蟹，睇嚟係囝囝遙控落 order囉！囝囝就舒服喇，一直坐喺車度，相反華倩呢位阿媽就騰嚟騰去，廿四孝阿媽咪呢啲囉。