19910129在台主演希望之鴿曾華倩稱是代表作

华侨日报 1991-01-29

“华女，你响台湾拍嘅电视剧《希望之鸽》已经播出咗！啲朋友话反应好好喎，你嗰几个月时间，冇嘥到。”

“讲真嘅，呢部片集，可以讲得係我入行以来，最满意嘅一部。”

曾华倩透露，以往她在无线虽然拍了很多片集，不过，没有一部像《希望之鸽》那么有机会让她发挥，何况，与她合作的人都对她非常好，彼此间全无隔膜，虽然她赴台拍片集时，刚逢排斥香港艺人的热潮，但她没有受影响。

“不过，你响台湾嘅段日子，传出好多不利你嘅消息，又话你被个有势力嘅人包起，又话你同一个台湾男艺人有咗…好在熟悉你嘅人都知道你唔系呢类人。”

“我都唔明白啲人点解得闲就乱呛，响台湾，我一收工就返屋企，除咗去附近街市买送，都冇去其他地方，都唔明白咗人点作出咗消息嘅？”华女更透露，她经常在家，亲自下厨，还自称厨艺不俗呢，至于对外间谣言，并不过分激动，因为事实胜于雄辩，而且她更认为，信任她的人便不会相信传言，而不相信她的人，无论如何解释澄清也是浪费唇舌的。这话很有哲理。

“拍呢个片集时，有冇特别难忘嘅回忆？”

“有，嗰次係响日本拍外景，驶游艇去海中心要我落水救人，我落咗水之后，见到好多白炸，好得人惊，我于是要返番上艇，但他哋话啲白炸唔会伤人嘅，唔俾我上船，不过，我几大唔制，要他哋将啲白炸捞起之后，先制肯拍。事后知道他哋呃我话啲白炸唔会伤人，係想早啲拍完收工，好在我都唔笨。”华女越说越兴奋。