# 20131225FACE344采访

至週六（21日），本刊致電曾華倩，她表示未有認真看過報道，但愈講就愈激動，她說︰「我冇喺佢口中聽過，唔知真定假，冇得猜究。咁多年朋友……曾經真係好 close……好心痛見到佢咁。」曾華倩說未有方法聯絡藍潔瑛，所以唔方便評論，「希望唔係真！（有冇叫志偉幫手搵佢？）志偉好關心佢，其實我哋幫佢做過咩都唔想公開交代。」

至於最後一次見藍潔瑛，曾華倩說已經唔記得，但年前藍潔瑛曾經打過電話畀佢，「佢主動打畀我，冇咩特別，我提佢記得食藥，佢仲話『有呀有呀』，唉！其實咁多年關於佢嘅報道，我真係覺得好愛莫能助，不如大家唔好騷擾佢，佢可能喺自己嘅世界可以開心啲，真係希望大家高抬貴手。」