# 20180131被嗌BB毛管戙曾华倩赞毛舜筠考蓝带厉害

> on.cc東網 | 繽FUN星網  2018-01-31

艺人曾华倩、朱慧敏及乐瞳到大埔亚视总台准备节目《今晚见》，节目有一小时直播及半小时录播，而她们负责的星期三晚主题是女人经，曾华倩请来好友毛舜筠担任首集嘉宾，她大赞考获蓝带厨艺课程的毛舜筠厉害：“我知道佢要学厨都好震惊，佢出名黐家，要丢低老公同女两个月喎！（试过佢手势未？）将会！”

曾华倩笑说：“我哋嗰节目系直播，冇得NG，所以可能有好多虾碌，观众唔好见怪！其实我几耐冇听过人哋叫我做BB，都有啲毛管戙！不过好开心！（亚视行政总裁）吴雨搵两个靓女保护我，早知唔收佢咁高价啦！（减番啲？）咁又唔好，收咗就系收咗。”她又笑言想做埋星期五晚的唱歌节目，但被吴雨嫌人工已太高。

##### 【加盟亞視】朱慧敏：群組充滿愛

> on.cc東網 | 繽FUN星網  2018-01-31

藝人朱慧敏現身大埔亞視總台為錄影《今晚見》節目作準備，她表示與拍檔曾華倩及樂瞳做主持已經很快就培養出默契，笑言會錫住「華倩BB」，華倩即自嘲是新人，年紀最細。朱慧敏笑說：「我哋嘅群組充滿愛，我呢幾日病咗，華倩提我要包到實唔好冷親，要好似『愛基斯摩人』咁，佢講極都講唔到愛斯基摩人！好搞笑！」華倩即被取笑心底是「愛機師」，笑爆全場。

> 東方日報 2018-02-02 (五)

由曾華倩、朱慧敏與樂瞳等主持的亞視節目《今晚見》邀得毛舜筠擔任首集嘉賓，毛舜筠大爆華倩「倀雞」往事：「當年拍攝《鹿鼎記》，華倩嚟探吳君如班，因唔夠位坐，華倩問君如點解唔留位畀佢仲大叫，我覺得咁靚女估唔到咁倀雞！」又指當年她倆與商天娥、藍潔瑛等為無綫台慶排舞，盧海鵬突然拍掌恭喜，笑言日本名導黑澤明找她們拍戲，毛舜筠信以為真，還追問甚麼戲：「佢話『亂』呀！笑死我哋！」

朱慧敏與曾華倩等很快培養出默契，笑言會錫住「華倩BB」，華倩聞言說「毛管戙」。而亞視製作總監林嘉穎透露節目周一至周五進行直播，周一會邀請「新聞人物」擺和頭酒：「鄧兆尊OK o架喇！祥嫂就搵緊，最理想叫埋兆尊三個女友一齊斟新抱茶啦！另外都想吳綺莉同阿女嚟煮餐飯。」吳綺莉回應時表示未受到邀請，亦不會考慮與女兒卓林上節目。

{{< galleryim >}}

<galleryim>
  <img src="https://file.qianying.zone/230727-2e4bae.png" alt="曾华倩（左）请嚟毛舜筠任首集嘉宾">
  <img src="https://file.qianying.zone/230727-ab592e.png" alt="曾华倩笑言想做埋星期五嘅唱歌节目，但被吴雨嫌人工已太高">
  <img src="https://file.qianying.zone/230728-df28ea.png" alt="曾华倩（中）指节目系直播，所以可能会有好多虾碌嘢，希望观众唔好见怪！">
  <img src="https://file.qianying.zone/230728-ea4dc1.png" alt="三个女人一个墟，当然要讲女人经喇">
  <img src="https://file.qianying.zone/230728-3cd52f.png" alt="乐瞳（左起）、曾华倩、朱慧敏">
  <img src="https://file.qianying.zone/230815-91e327.png" alt="Margie">
  <img src="https://file.qianying.zone/230815-3bfa74.png" alt="Margie">
  <img src="https://file.qianying.zone/230818-646a92.png" alt="Margie">
  <img src="https://file.qianying.zone/230818-6ff5fb.png" alt="Margie">
  <img src="https://file.qianying.zone/230819-e8570b.png" alt="Margie">
  <img src="https://file.qianying.zone/230727-31166a.png" alt="乐瞳（左起）、吴雨、毛舜筠、曾华倩、朱慧敏">
</galleryim>