# 20180525曾華倩最正都係偉仔

> 澳門日報 2018-05-25

![Margie](https://file.qianying.zone/230726-d1038a.png)

吳肇軒像初戀情人？

曾華倩：最正都係偉仔

前晚，曾華倩、朱慧敏、樂瞳主持的亞視節目《今晚見》，邀得多位“小鮮肉”胡子彤、吳肇軒、林家熙、胡卓希擔任嘉賓。

吳肇軒有“年輕版梁朝偉”之稱，而曾華倩初戀情人便是梁朝偉，問她初見肇軒時，有何感覺？她笑言：“有少少似啦，但我心目中依然覺得梁朝偉最正。原本係請古天樂做嘉賓，雖然佢唔嚟，但係派旗下四個小鮮肉嚟，氹得我哋都好開心，下次要請佢食飯。”早前有指她在節目上臉部肌肉失控，疑有中風前兆，她澄清是服了感冒藥，受到藥力影響而不自知，但為安全起見，第二日都有去睇醫生做身體檢查。

吳肇軒被指似梁朝偉，他表示在台灣亦見過對方，坦言有心跳感覺，覺得偉仔的氣場好勁。

> 【蘋果日報】 2018-05-25 採訪：盧妹 攝影：林賓尼

曾華倩、朱慧敏和樂瞳前晚於大埔的亞視總台錄影節目《今晚見》，這集邀請了胡卓希、林家熙、胡子彤及吳肇軒四位小鮮肉做嘉賓。曾華倩日前被指面癱，惹中風疑雲，她前晚澄清：「嗰日感冒，我啪咗藥，年紀大到咗更年期，體力真係負荷唔到，咁多年第一次係咁，不過冇事。返屋企沖咗熱水涼，瞓咗兩日，依家變番精靈BB。」 對於「翻版梁朝偉」吳肇軒，曾華倩說：「劉嘉玲話佢似初出道嘅梁朝偉，我都好奇，想睇吓佢似唔似我初戀情人。遠睇些少似，不過我都係覺得梁朝偉正啲。」兩人應記者要求合照，胡子彤卻叫「咀嘴」，曾華倩反問：「邊個叫咀嘴？你出嚟同佢咀先。」吳肇軒坦言對着曾華倩有心跳感覺，他自爆早前在台灣拍戲遇到梁朝偉：「佢個氣場好犀利，我差啲暈低。」

> 東方日報 2018-05-25 (五)

藝人吳肇軒、胡子彤等前晚為亞視節目《今晚見》擔任嘉賓，主持之一曾華倩與吳肇軒合照時，胡子彤大叫「咀佢」，華倩反叫兩男咀嘴，場面搞笑！對於劉嘉玲曾指吳肇軒與初出道的梁朝偉相似，華倩直言邀請對方時充滿好奇心：「睇佢係咪真係有啲似我初戀情人，離遠睇係有少少似，但又唔係真係好似，我心目中都係覺得梁朝偉正啲。」不過，她笑言被「小鮮肉」氹得好開心！而吳肇軒早前在台灣首次遇見梁朝偉，他覺得對方氣場好犀利。

此外，華倩被指早前於節目上面部肌肉出現僵硬情況，她解釋當日感冒食藥後才出有此反應。

##### 曾華倩首次見「年輕版梁朝偉」吳肇軒：始終係梁朝偉最正

> 香港01 2018-05-25

曾華倩主持的節目《今晚見》邀請到四位小鮮肉進行錄影，包括：胡子彤、吳肇軒、林家熙及胡卓希。華倩今日第一次見到有年輕版「梁朝偉」之稱的吳肇軒，當然表現得十分開心：「緊係啦，劉嘉玲稱呼佢為年輕版偉仔，我都有少少心得嘅，我覺得佢有少少相似啦係個眉間，不過我心目中當然係梁朝偉最正啦。」

早前《今晚見》節目播出後，節目中華倩反應比較緩慢，更不時岀現疲倦，網友留意到後都擔心呢個可能係中風先兆，華倩都有留意：「其實個一日自己真係不在狀態，錄咗整整一日節目，我自己本身食左兩粒感冒藥，本身已經疲勞過度，估唔到會咁樣。」華倩都同大家講唔使擔心，因為第二已經去哥哥到睇醫生，絕對冇中風。事後華倩都好感動話有好多朋友同網友發短訊及網上面慰問我：「其實網上見到呢啲留言同朋友嘅關心真係令到我好感動同窩心。」

> 香港文匯報 A35 2018-05-25

香港文匯報訊（記者 李思穎）由曾華倩、朱慧敏、樂瞳主持亞視節目《今晚見》，前晚邀來幾位小鮮肉胡子彤、吳肇軒、林家熙、胡卓希擔任嘉賓，進行錄影。華倩跟有「年輕版梁朝偉」稱號的吳肇軒合照，台下胡子彤大叫「咀佢」，華倩即叫胡子彤上台和吳肇軒嘴對嘴，逗得全場大笑。

眾所周知，華倩的初戀情人便是梁朝偉，問她與「年輕版梁朝偉」見面有何感覺，她笑說：「從報章上知道劉嘉玲說他似初出道的年輕版梁朝偉，今次找他來的確有些好奇心，看看他是否與我初戀情人相似，說真的，是有少少似，很相似便談不上，我心目中依然覺得梁朝偉正啲，（重拾初戀感覺？）未知，一陣看他有什麼事情能令我心跳，原本是邀請古天樂做嘉賓，他來不到便派出旗下四個小鮮肉給我，逗得我不知多開心，下次請他食飯。」

說到華倩早前在節目上臉部肌肉失調，被疑有中風前兆，她解釋：「經過上次一役已自我檢討，原來自己體力不能負荷過重，加上年紀大更年期不可太辛苦，當日因服了感冒藥，受到藥力影響而不自知，也是頭一次是這樣子，所以以後做節目要向藥物Say No，當日很早起床，下午便直落做節目跳『老』舞，其間有感到身體不適，原來裝着沒事都不行，肌肉是控制不到，之後休息了兩天，現時已回復精靈，（有做身體檢查？）翌日已經做，更年期在生理和心理上都受荷爾蒙影響。」

當日有份跟華倩錄影的朱慧敏表示：「華倩有事個集已經是一個月前的事，當天行程緊密，（會否要求通告不要太密？）其實通告是舒服，反而是我們要求密一些，當日因配合李婉華回港數日的時間，才會有特別安排。」 

{{< galleryim >}}

<galleryim>
  <img src="https://file.qianying.zone/230726-a46fb4.png" alt="Margie">
  <img src="https://file.qianying.zone/230811-2ccdfe.png" alt="Margie">
  <img src="https://file.qianying.zone/230815-16a6e1.png" alt="Margie">
  <img src="https://file.qianying.zone/230818-102e41.png" alt="Margie">
  <img src="https://file.qianying.zone/230821-eeaeb6.png" alt="Margie">
  <img src="https://file.qianying.zone/230821-7cd1ed.png" alt="Margie">
  <img src="https://file.qianying.zone/230821-0dbccc.png" alt="Margie">
  <img src="https://file.qianying.zone/230821-4b5432.png" alt="Margie">
  <img src="https://file.qianying.zone/240224-7b4e65.png" alt="Margie">
</galleryim>