20111109靚靚學廚箍老公

大公報 C3：娛樂 2011-11-09

袁詠儀（靚靚）及伍詠薇昨日齊為馮美基、曾華倩主持的《May姐有請》節目擔任嘉賓，靚靚指今次多得好姊妹伍詠薇帶挈，可以品嘗美食。但她其實最想是有機會跟May姐偷師學廚藝。她說：「人哋成日話要靠煮飯先箍到個男人嘛。」在旁的伍姑娘笑說：「咁你同我實死梗喇。」

出街吃

問到靚靚，Chilam（張智霖）有投訴過經常要出街食飯嗎？靚靚笑指老公沒有投訴她，但就投訴工人。她笑說：「佢成日話點解請咗工人都要食垃圾。」她指Chilam本身廚藝不錯的，有時索性自己下廚。

失禮人

伍姑娘又笑言今次找靚靚來一齊品嘗美食，全因為跟她老公Chilam「有路」。伍姑娘笑說：「因為Chilam在我身上找到情趣，佢老婆冇情趣，有時Chilam講爛gag，佢太太只說『低能』，但我就畀晒反應，大笑乜都齊，佢就滿足晒喇。」在旁的靚靚笑說：「他們真是有路的，有時在街上失禮死人，真係一條爛路。」

袁詠儀學廚綁住男人心

文匯報 2011-11-09

香港文匯報訊（記者 李慶全）由馮美基及曾華倩主持無線飲食節目《May姐有請》昨日進行錄影，並邀得袁詠儀及伍詠薇(見圖)擔任嘉賓品嚐佳餚，靚靚高興地說：「難得來做節目，應該跟May姐學下廚，最適合我兩個廢人學，起碼可以有一餐來綁住個男人。」

靚靚其實向來甚少下廚，更坦言煮不成一餐飯，最多是間中入廚房炒蛋，兒子魔童吃了也讚好，伍姑娘則在旁取笑她說：「因為是沒有選擇!」靚靚都試過上《美女廚房》，她表示全憑自己記憶力強，可以記得煮菜式的步驟，是否好吃則作另論。問老公張智霖可有投訴？靚靚笑說：「經常給他講話我請工人回來也是吃垃圾，不過反而是我老公廚藝好勁，平時他只讓阿智和阿傑(草蜢)認叻。」

此外，《鶴山婦女兒童慈善基金會成立暨籌款晚會》前晚於會展舉行，過氣港姐張舒雅偕男友Samuel出席，二人更大方合照，她表示目前人變得成熟，模特兒工作和感情都令她滿意。她指跟男友是從朋友開始發展成情侶，至於是否理想結婚對象？她指遲一些再談，現時仍享受拍拖感覺，且兩個人一起最重要也是開心。